Buhay Ang Aking Manunubos

Masdan ang mga bulaklak sa parang

Ang ganda'y pansamantala lamang,

Ngunit muli, silang nagbabalik

Sisikat ang araw sa Silangan

Magkukubling muli sa dapit hapon

Kinabukasan, muling sisikat

Ang puno'y natutuod sa taglamig

Mga damo'y natutuyo sa tag-araw

Ngunit ang buhay nila'y di napaparam

Muli itong sisibol at magbabalik

Ang kalikasan ang nagpapatunay

Na si Kristo ay muling nabuhay

At sa mananalig, pangako Niya'y tapat

May bagong buhay na naghihintay

'Pagkat natitiyak kong

Buhay ang aking manunubos

Taglay ko na ngayon ang katiyakan

Lamunin man ng hukay

Ang aking laman,

May naghihintay na maluwalhating

bagong katawan

Si Hesus ang muli kong pagkabuhay

Hawak Niya ang susi ng libingan

Mga banal ay magbabangon

Pipisan sa mga buhay

Sasalubong sa Panginoong Hesu-Kristo

(Mabubuhay ka sa piling Niya

Kailan pa man)

Tayo ay maghahari

Sa lupa'y kakalat ang bagong lahi

Kung ikaw ay magtitiwala

Ililigtas ka Niya

Home