Uhaw

Noon pa man ako'y

mayroon nang hinahanap

Ang puso ay nauuhaw

sa buhay na tunay

Hanggang sa Bukal ng Buhay

Ay aking matikman

Sa piling Mo, Hesus,

uhaw ko'y naibsan.

At ngayo'y nalaman kong…

Di kayang pantayan ng yaman ng mundo

Salita Mong nahayag sa araw na ito

Pagkat'Yan lamang

Ang tunay na makapupuno

Sa puso kong uhaw sa Tubig ng Buhay

Sinubok ko nang uhaw ay matugunan

Ng alok ng sanlibutan,

saglit na kasiyahan

Ngunit lalo lang lumalim

ang aking pag-aasam

Na kahungkaga'y lubos nang maparam.

Kaya't tinatanghal na…

Uhaw ay tiniis Mo

Doon sa Krus ng Kalbaryo

Upang Ilog ng Buhay mapabalong Mo.

Si Hesus pala'ng hanap

ng puso kong uhaw.

Home