Sa Kanyang Kaparaanan

May mga pangyayaring hindi maiiwasan

Sirkumstansya sa buhay na'di mapipigilan

Karamdamang hindi agad malulunasan

At mga pagsubok na kailangang tahakan

Upang maranasan Kaniyang kabutihan

Upang maranasan Kaniyang kadakilaan

Upang maranasan Kaniyang kapangyarihan

Katapatan Niya noon at ngayon ay mapatunayan

May mga kamaliang kailangan kang maranasan

Hindi dahil sa nais at sa ito'y kagustuhan

May pagkakataong hindi kailangan pigilan

Ang pagdaloy ng luha ito'y pagdaraanan

Upang maranasan Kaniyang kabutihan

Upang maranasan Kaniyang kadakilaan

Upang maranasan Kaniyang kapangyarihan

Nalalaman Niya ang lahat ng iyong nararanasan

Kontrolado Niya ang lahat ng iyong pinagdaraanan

Sa Kaniyang kaparaanan

Home