Jeriko

Bana na Yisaele

Bakambami na Yawe

Bakatisi Yodani

Na likamwa ya Nzambe;

Epekiseli eyei,

N'ekuke ya Kanana,

Kotikisa esengo

Nde libanga Jeriko.

Jeriko! Jeriko!

Boyemba na esengo!

Nzembo ekweisaka

Bitutu ya minene.

Bakatamaki ngenga,

Bamikabi na Nzambe,

Mpe limpinga ya lola

Ezalaki na bango;

Nzambe'alobi na Yosua:

"Mboka oyo'a masumu

Na babundi na yango

Ngai nakolonga na yo."

Banso mpe batosaki

Mongongo ya kelelo,

Na Sanduku na Yawe

Bazingelaki mboka;

Na pwasa Yosua'alobi:

"Bonganga mpe makasi,

Yawe apesi biso

Mboka'oyo ya lofundu."

Banso mpe bangangaki:

"Nkembo, Nzambe Molongi."

Na lokito makasi

Bitutu bikweyaki;

Botosi nde kondima,

Nzambe alobi bongo.

Nzembo'a motema mpeto

Ekweisaka bitutu.

Home