Joko Eahao E Bobebe

Joko eahao e bobebe

E nkhatholola pelo

Tumelo ho nna ke thebe

E tla mphemisa lefu

Nyakallo ke e fumane

Tseleng ea hao Morena

Lira ho 'na li qhalane

Ke hloletsoe ke uena

U re ho 'na ke lelale

Ke tshepe leholimo

Moeti ha a khathale

O pepjoa ke Molimo

Efela ho lutse joalo

Esale u nthatile

U mpholisitse matsoalo

'Me joale ke thabile

Ha ke hlaheloa ke lillo

U ntekola ka mosa

U ntlela ka lipolelo

Tse phakisang ho nthusa

Ha ke re ke mofutsana

U re: Che, u na le 'na!

Ha ke re: Khoro ea hana

U re: Che, U tla kena!

Ho tla ba joang ha ke siea

Kobo ena e bolang

Ke be joale ka Elia

Ka koloing e fofang?

Ke tla opa ka liatla

Ke tla re: Alleluya!

Alleluya ho senatla

Se nkenyang ha Jehova!

Ke tla opa ka liatla

Ke tla re: Alleluya!

Alleluya ho senatla

Se nkenyang ha Jehova!

Re tla opa ka liatla

Re tla re: Alleluya!

Alleluya ho senatla

Se nkenyang ha Jehova!

Home