Yesu, Msalaba Wangu

Yesu, msalaba wangu

Sasa nimejitweka,

Nikwandame Bwana wangu,

Wengine kuepuka.

Sina tamaa ya mali,

Mali ya ulimwengu;

Mimi ni tajiri kweli,

Ni mrithi wa Mungu.

Wajaponisumbua je,

Nitakukimbilia;

Mashaka yote na yaje,

Nitayavumilia.

Taabu hazinidhuru,

Nina mapenzi yako;

Na kwa haya nashukuru,

Napata yote kwako.

Moyo, pokea wokovu,

Kila siku wokoke;

Ushinde dhambi na hofu;

Subiri, utumike;

Roho yumo ndani yako,

Una pendo za Baba,

Mwokozi naye ni wako;

Mwenye hivyo, si haba.

Hima nawe, kaza mwendo:

Ujivike imani;

Hujafika mbingu bado.

Kwa Mungu tumaini:

Mwisho wa safari yako

Wasongea upesi;

Utakapofika huko,

Ni furaha halisi.

Home